Publicado en La Voz de Galicia, 2 de abril de 2000

¿QUE É AULIGA?

Trátase dunha Asociación Internacional de Amigos da Universidade Libre Iberoamericana en Galicia, que fundamos un grupo moi heteroxéneo, e que ten como sede social a Biblioteca de América, no colexio de Fonseca da Universidade de Santiago, cedida moi xenerosa e intelixentemente polo rector magnífico Darío Villanueva.

O proxecto de creación desta Universidade Iberoamericana parte de que dous mil millóns de latinos que. hai no mundo, máis da metade seremos, ó remate deste século XX, hispano ou lusoparlante. E as dúas comunidades idiomáticas, española e portuguesa, suscitan, coas súas derivacións históricas en América, África e Asia, un inmenso interese cultural, comunicativo e económico. Por iso, algunhas nación de Europa crearon organismos co obxectivo de participar neste fenómeno lingüístico e social. Así Francia creou xa no comezo dos anos oitenta a "Maison des Pays Ibériques".

Pero Galicia é o único espacio xeopolítico e cultural ó que corresponde, máis que a ningún outro, desenrolar esta inquedanza, porque só nela conviven plenamente o galego e o castelán. E a súa longa experiencia de pobo .emigrante permítelle, e mesmo a retan, como a ninguén, a recoller e representar, tanto en Europa como en América, a proxección humana, creadora e científica, de pobos e nacións culturalmente unidos polas linguas galega, portuguesa e española.

O seu bilingüismo abrangue un horizonte idiomático superior a . seiscentos millóns de interlocutores. E ningún outro recanto do mundo conta con semellante realidade histórica. De aí vén este reto e máis unha especial responsabilidade.

Auliga; no ano pasado, despois da súa legalización, xa organizou cursos de verán en varias cidades de Galicia. Na Coruña: en colaboración coa Uned coruñesa, celebrou o primeiro congreso de profesores de Lingua e Literatura galega. En Santiago: unhas xornadas sobre ciencia e crenza e outras, coa Uned de Madrid e a revista Serta, sobre "As linguas da Península Ibérica e a súa creatividade", que contou con eminentes representantes do Brasil e de Portugal. En Pontevedra: un curso sobre "Bases científicas do tratamento do cancro na asistencia primaria", dirixido polo gran oncólogo o catedrático doutor Avelino Senra (membro fundador de Auliga) e con. importantes colaboradores, coma .o doutor Esteve, de Houston (USA).

E aínda celebrou no mes do nadal, en Rianxo, coa eficaz axuda deste concello, o Primeiro Seminario Internacional de Traducción. E agora están en preparación varias.publicacións cos contidos destas actividades.

Admiración

Por tanto, Auliga merece unha grande felicitación e a admiración de todos, por lograr, xa no seu primeiro ano, tan importantes realizacións; e sen ningunha. axuda oficial. E o seu creador e presidente, o doutor Antonio Domínguez Rey, catedrático da Uned en Madrid, é merecente de eterna gratitude, pois só Deus sabe das súas viaxes a Galicia e das súas cartas desde o señor Fraga ata os alcaldes, políticos, empresarios e a nós para xuntarnos na referida Biblioteca de América. Agora, no ano 2000, ademais de continuar coas referidas actividades, asume o grandioso reto do seu Primeiro Congreso Internacional.