PROGRAMA SALÓN DE OUTONO DE PARÍS-AULIGA
(SARRIA, LUGO)

(XULIO-AGOSTO 2007)

Programa en documento

AULIGA colabora como nos anos anteriores coa mostra do Salón de Outono de París en Sarria (Lugo) e coa delegación da UNESCO creada recentemente nesta vila do Camiño de Santiago. Afírmase deste modo o encontro anual de reflexión crítica sobre o fenómeno artístico e a creación poética.

Antonio DOMÍNGUEZ LEIVA, ensaísta, novelista, doutor en Lingua Francesa, en Letras Modernas e Catedrático de Literatura Comparada na Universidade de Borgoña (Dijon, Francia), socio fundador de AULIGA e especialista nas relacións da novela, pintura e historia cultural das ideas e movementos artísticos. Presenta o último libro recentemente publicado, unha reflexión sobre a vida, obra e ambiente artístico, poético e pictórico, dos surrealistas: Sexe, Opium et Charleston. Les Vies Surréalistes (Édit. Le Murmure, Dijon, Francia).

Mª Concepción D’OLHABERRIAGUE RUIZ DE AGUIRRE, Catedrática de Grego, Doutora en Lingüística e autora de El Pensamiento Lingüístico de José Ortega y Gasset (en prensa): Pensar y sentir (textos para una lectura coral de Unamuno).

Manuel JIMÉNEZ REDONDO, Catedrático de Filosofía na Universidade de Valencia, tradutor, especialista da obra de Kant, Hegel, Habermas e Heidegger: El Absoluto del Arte.

Xesús PORTAS FERRO, Profesor, Licenciado en Filoloxía Hispánica, compositor, socio fundador e Secretario de AULIGA: A muller na Sociedade e na Literatura Galega.

Xulio LÓPEZ VALCÁRCEL, poeta, avogado e procurador: Lectura Poética (bilingüe, galego- francés).

Miguel Anxo FERNÁN-VELLO, poeta, dramaturgo, editor, Vicepresidente de AULIGA: A experiencia da Poesía.

José Díaz FUENTES, escultor, vocal europeo de AULIGA, director da mostra do Salón de Outono de París e do Club UNESCO de Sarria: A experiencia da materia na arte.

Antonio REGALADO, Catedrático da Universidade de Nova York, especialista, entre outros temas e autores, do Século de Ouro (Calderón de la Barca), Miguel de Unamuno, José Ortega y Gasset, e da historia do Camiño de Santiago.

Antonio DOMÍNGUEZ REY, poeta, ensaista, doutor en Filosofía, en Lingüística e Profesor da Universidade Nacional de Educación a Distancia (UNED), socio fundador, Presidente de AULIGA e membro numerario da Académie Universelle de Montmartre (Francia): O gran de luz e sombra: Obra do escultor catalán Apel.les Fenosa (Barcelona, El Vendrell, París).